ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានជំរុញឱ្យដោះស្រាយបញ្ហាចំណីសត្វដើម្បីបំផុសឱ្យមានការចិញ្ចឹមសត្វក្នុងស្រុកឱ្យបានខ្លាំងក្លា។

សម្ដេចតេជោ ហ៊ុន សែន បានថ្លែងថាការគ្រាន់តែជំរុញឱ្យពលរដ្ឋចិញ្ចឹមសត្វដើម្បីលក់នឹងមិនសម្រេចនោះទេប្រសិនជាចំណីសត្វនៅមានការនាំចូល និងមានតម្លៃខ្ពស់នោះ។ សម្ដេចឱ្យជាយោបល់ឱ្យមានការផលិតនូវចំណីសត្វក្នុងស្រុកដែលធ្វើឱ្យតម្លៃចំណីអាចឱ្យប្រជាកសិករអាចទទួលយកបានផងដែរ។

សម្ដេចថា៖ «យើងត្រូវស្វះស្វែងរកគ្រប់វិធីទាំងអស់ដើម្បីដោះស្រាយបញ្ហាកសិកររបស់យើង»។

សម្ដេចតេជោ ថ្លែងបែបនេះក្នុងពិធីបិទសន្និបាតការងារក្រសួងកសិកម្ម នៅល្ងាចថ្ងៃទី២៤ ខែមីនា ឆ្នាំ២០២៣ ក្នុងរាជធានីភ្នំពេញ៕